ग्रामीण भागातील 10 व्यवसाय आयडीया. ग्रामीण भागात व्यवसायांच्या अनेक संधी उपलब्ध आहेत. बेरोजगार तरुणांना या व्यवसायाचा लाभ होईल. गावातच कमी गुंतवणुकीमध्ये बरेच व्यवसाय सुरु करून चांगल्या प्रकारे पैसे कमविता येतात.
ग्रामीण भागामध्ये कमी गुंतवणुकीमध्ये अनेक व्यवसाय करता येत असले तरी यापैकी 10 व्यवसायांची यादी खाली दिलेली आहे. खाली दिलेले व्यवसाय उभारणीसाठी कमी भांडवल लागते. कमी भांडवल लागत असल्याने कमी खर्चात व्यवसाय सुरु होऊन बेरोजगारीवर मात करता येते.
कमी भांडवलीमध्ये करता येणारे व्यवसाय या संदर्भात सविस्तर माहिती पहा.
कमी गुंतवणुकीमध्ये केले जाणारे व्यवसाय
बेरोजगार तरुण किंवा व्यक्तींकडे सुरुवातील उद्योग किंवा व्यवसाय करण्यासाठी भांडवल उपलब्ध नसते. यामुळे इच्छा असून देखील त्यांना व्यवसाय सुरु करता येत नाही. बेरोजगारांना उद्योग व्यवसाय करता यावा यासाठी शासन अनुदान देखील उपलब्ध करून देते.
शासकीय अनुदानाचा आधार घेवून बेरोजगार तरुण ग्रामीण भागात कमी गुंतवणुकीमध्ये आपला छोटा मोठा व्यवसाय सुरु करू शकतात.
या लेखामध्ये ग्रामीण भागातील कमी गुंतवणुकीमध्ये केले जाणाऱ्या व्यवसायासंबधी सखोल माहिती जाणून घेणार आहोत जेणे करून बेरोजगार तरुणांना कमी गुंतवणूक करून व्यवसाय करू शकतील.
कमी गुंतवणुकीतील व्यवसाय कोणते?
ग्रामीण भागामध्ये अगदी कमी गुंतवणूकीमध्ये हमखास नफा देणारे अनेक व्यवसाय आहेत यापैकी खालील काही व्यवसाय दिले आहेत ते पहा.
- शेळीपालन व्यवसाय.
- दुध संकलन केंद्र.
- कृषी सेवा केंद्र
- ट्रॅक्टर भाडे व्यवसाय.
- पिठाची गिरणी/चक्की.
- सीएससी अर्थात ऑनलाईन सेंटर.
- टायर पंक्चर दुकान.
- किराणा दुकान.
- टेलरिंग काम.
- पशुखाद्य दुकान.
वरील व्यवसाय करण्यासाठी इतर व्यवसायाच्या तुलनेत कमी भांडवल लागते त्यामुळे असे व्यवसाय सुरु करून बेरोजगार तरुण स्वतःच्या पायावर उभा राहू शकतो. यावरील व्यवसाय संदर्भात सविस्तर माहिती घेवूयात.
कमी खर्चातील शेळीपालन व्यवसाय
शेतीला जोड व्यवसाय म्हणून ग्रामीण भागात शेळीपालन हा व्यवसाय खूप फायदेशीर आहे. सुरुवातील 3 ते 4 शेळ्या घेवून हा व्यवसाय सुरु करता येतो. ग्रामीण भागामध्ये शेळीला अनन्यसाधारण महत्व आहे. शेळी पासून मिळणारे फायदे खालील प्रमाणे आहेत.
शेळीचे लेंडी खत – शेळीपासून लेंडी खत मिळते जे कि शेतीसाठी उपयुक्त ठरते. रासायनिक खतांच्या किमती भरमसाठ वाढल्याने आता सेंद्रिय खतांची मागणी होत आहे.
सेंद्रिय खतांचा वापर करून निर्माण केलेल्या उत्पादनाला मोठी बाजारपेठ मिळत असल्याने सेंद्रिय खतांची मागणी दिवसेंदिवस वाढत चालेली आहे. अशावेळी तुम्ही जर शेळी पालन व्यवसाय केला तर त्यापासून सेंद्रिय खत मिळते.
शेळीपासून मिळणारे दुध – शेळीचे दुध आरोग्यदायी असल्याने या दुधास देखील मोठ्या प्रमाणत मागणी असते.
बोकडाचे मास – बोकडाच्या मास खाणाऱ्यांची संख्या खूप मोठी असल्याने या मासाला खूप मोठी बाजारपेठ निर्माण झाली आहे त्यामुळे ग्रामीण भागामध्ये कमी गुंतवणुकीत करता येणारा आणि हमखास नफा देणार व्यवसाय म्हणजे शेळीपालन व्यवसाय होय.
शेळीपालन योजना शासकीय अनुदान
महाराष्ट्र शासनाच्या पशुसंवर्धन विभागाच्या वतीने नाविन्यपूर्ण योजना अंतर्गत शेळीपालन योजनेसाठी अनुदान दिले जाते. नाविन्यपूर्ण योजना अंतर्गत पात्र अर्जदारास १० शेळ्या आणि १ बोकड असे अनुदानाचे स्वरूप असते. या योजनेचा लाभ घेवून ग्रामीण भागात कमी गुंतवणुकीमध्ये व्यवसाय करता येतो.
शेळीपालन योजनेचा लाभ घेण्यासाठी अर्जदारास ऑनलाईन पद्धतीने अर्ज कारवा लागतो. एकदा अर्ज केल्यानंतर ५ वर्षे अर्ज करण्याची गरज पडत नाही.
ऑनलाईन अर्ज आणि पात्रता आणि योजनेचे स्वरूप खालीलप्रमाणे आहे.
शेळीपालन अनुदान योजना अर्ज कसा करावा
नाविन्यपूर्ण योजना अंतर्गत मिळणाऱ्या शेळीपालन योजनेचे स्वरूप कसे आहे हे जाणून घेण्यासाठी खालील टेबल पहा.
| योजनेचे नाव | नाविन्यपूर्ण योजना |
| लाभार्थी पात्रता | अत्यल्प भूधारक, अल्प भूधारक शेतकरी. |
| योजना | राज्यस्तरीय व जिल्हास्तरीय |
| अनुदान स्वरूप | एका शेळीसाठी८ हजार रुपये एकूण १० शेळ्या व एका बोकडासाठी १० हजार रुपये प्रोजेक्ट किंमत |
| सबसिडी स्वरूप | खुल्या प्रवर्गातील लाभार्थ्यांसाठी ५० टक्के अनुदान व एससी एसटी लाभार्थ्यांसाठी ७५ टक्के अनुदान. |
| अर्ज कसा करावा | ऑनलाईन पद्धतीने |
| अर्ज करण्यासाठी वेबसाईट लिंक | official link |
दुध संकलन केंद्र किंवा डेअरी
ग्रामीण भागामध्ये शेतीला पूरक व्यवसाय म्हणून अनेक शेतकरी दुग्धव्यवसाय करत असतात. अशावेळी गावातील शेतकऱ्यांच्या दुधाळ जनावरांचे दुध संकलन करता येते.
दुध संकल करून त्यावर प्रक्रिया करून विविध पदार्थ बनविले जातात. हे पदार्थ विकून अधिकची कमाई करता येते. दुध हा सर्वसामान्य जनतेच्या दैनंदिन जीवनातील आवश्यक घटक आहे.
दुध डेअरी या व्यवसायात देखील भरपूर नफा मिळविता येतो. डेअरी व्यवसायासाठी देखील शासनाकडून अनुदान मिळते. या अनुदानाच्या सहाय्याने बेरोजगार तरुण गावातच रोजगार निर्मिती करू शकतात. अशाच प्रकारे ग्रामीण भागातील 10 व्यवसाय भन्नाट कल्पना खाली दिलेल्या आहेत.
कृषी सेवा केंद्र
गावामध्येच कृषी सेवा केंद्र सुरु करून गावातील शेतकऱ्यांना कृषी साहित्य जसे कि बी बियाणे खते इत्यादी साहित्याचा पुरवठा करून नफा मिळविता येतो.
कृषी सेवा केंद्र सुरु करण्यासाठी परवाना आवश्यक असतो. हा परवाना मिळाला कि तुम्ही तुमचा व्यवसाय गाव परिसर किंवा तालुक्याच्या ठिकाणी सुरु करू शकता.
दर्जेदार बियाणे आणि खते उपलब्ध करून दिल्यास शेतकऱ्यांचा विश्वास वाढून ग्राहकांमध्ये विश्वास निर्माण करता येतो. शेतकऱ्यांना बियाणे किंवा खतांची मोठ्या प्रमाणत खप केल्यास काही कंपन्या विशेष आर्थिक बोनस देखील देतात यामध्ये विदेशात फिरणे व इतर बाबींचा समावेश असतो.
ट्रॅक्टर भाडे व्यवसाय
शेतीला पूरक व्यवसाय म्हणून हा व्यवसाय देखील मोठ्या प्रमाणात रोजगाराच्या संधी निर्माण करून देवू शकतो. ट्रॅक्टर खरेदी करण्यासाठी ७ ते ८ लाख रुपयांपर्यत भांडवल आवश्यक असते.
महाडीबीटी या पोर्टलवर अर्ज केल्यानंतर अर्जदारास ट्रॅक्टरसाठी अनुदान देखील मिळू शकते. या योजनेचा लाभ घेण्यासाठी महाडीबीटी पोर्टलवर ऑनलाईन अर्ज सादर करावा लागतो.
बचत गटांना समाज कल्याण विभागाकडून मिनी ट्रॅक्टर योजना अंतर्गत ३ लाख १५ हजार रुपयांपर्यत अनुदान देखील मिळते.
ट्रॅक्टर अनुदान योजनेचा लाभ घेण्यासाठी ऑनलाईन अर्ज कसा करावा या संदर्भातील सविस्तर माहिती जाणून घेण्यासाठी खालील लिंकवर क्लिक करा. अजून इतरी ग्रामीण भागातील 10 व्यवसाय आयडिया खाली दिलेल्या आहेत.
पिठाची गिरणी किंवा चक्की
पिठाची गिरणी किंवा चक्की हा व्यवसाय छोटा वाटत असला तरी या व्यवसायातून चांगल्या प्रकारे नफा मिळविता येतो. दळणाचे दर ३ रुपये प्रती किलोपर्यंत घेल्याने या व्यवसायामध्ये चांगला नफा कमविता येतो.
यासाठी तुम्हाला तुमच्या गावात मुख्य ठिकाणी किंवा रोडच्या जवळ गिरणीचा व्यवसाय सुरु करता येवू शकतो. हा व्यवसाय सुरु करतांना आरोग्याची काळजी घ्यावी. दिवसभर चक्कीमध्ये दळण दळताना नाकातोंडावाटे पीठाचे कण पोटाच जावू शकतात त्यामुळे डॉक्टरांचा सल्ला घेणे अतिशय फायदेशीर राहील.
पिठांच्या गिरणीमध्ये अनेक प्रकार आहेत. गावातील दळणे जास्त असतील तर दगडी पट्याची गिरणी घेणे कधीही उत्तम.
सीएससी किंवा ऑनलाईन सेंटर
गाव परिसरामध्ये कॉमन सर्व्हिस सेंटर अर्थात ऑनलाईन सेंटर सुरु करून गावातील शेतकऱ्यांचे विविध ऑनलाईन अर्ज सादर करुणे, शासनाच्या विविध योजनांचा लाभ मिळवून देणे तसेच कागदपत्रांची झेरॉक्स काढून देणे इत्यादी कामे करू शकतात.
ऑनलाईन सेंटर सुरु करण्यासाठी सर्वसाधारणपणे ४० हजार रुपयांचे कॉम्प्युटर, झेरॉक्स मशीन व इतर साहित्य असे मिळून एक लाख ते दीड लाख रुपयांच्या गुंतवणुकीमध्ये हा व्यवसाय सुरु करता येवू शकतो. नंतर आवश्यकतेनुसार विविध साहित्य खरेदी करता येवू शकते.
रब्बी हंगामध्ये पिक विमा योजना अंतर्गत विविध शेतकऱ्यांचे अर्ज ऑनलाईन पद्धतीने सादर करून चांगला नफा कमविता येतो.
सीएससी सेंटर सुरु करण्यासाठी शासनाकडून युजरआयडी आणि पासवर्ड मिळवावा लागतो. यासाठी प्रत्येक जिल्ह्याच्या ठिकाणी एक DM (Disrict Manager) नियुक्त केलेले असतात. त्यांच्याशी संपर्क साधून सीएससी आयडी मिळविण्यासाठी काय प्रोसेस आहे या संदर्भातील सविस्तर माहिती मिळू शकते.
टायर पंक्चर दुकान
ग्रामीण भागामध्ये आता मोठ्या प्रमाणत दुचाकी तीन चाकी आणि चारचाकी वाहने मोठ्या प्रमाणात उपलब्ध झाली आहेत. शिवाय ट्रॅक्टरची संख्या देखील मोठ्या प्रमाणत वाढलेली आहे.
वाहन अनेकदा पंक्चर होऊ शकते अशावेळ पंक्चर काढण्याची सुविधा गावातच उपलब्ध करून दिली तर वाहन धारकाला सहाय्य होतेच शिवाय पंक्चर काढणाऱ्या व्यक्तीचा पैसे देखील मिळतात.
पंक्चर दिकानाच्या सोबतीला छोटेसे टपरीवजा दुकान टाकले तर त्यातून देखील अर्थसहाय्य होऊ शकते. ज्यावेळी पंक्चर नसेल असा वेळ दुकानासाठी देता येतो.
टायर पंक्चरच्या सोबतीला नवीन ट्यूब तयार विक्रीचा व्यवसाय देखील करता येते ज्यामुळे अधिकचे पैसे मिळण्यास मदत होते.
गावातच किराणा व जनरल दुकानच व्यवसाय सुरु करणे
दैनंदिन जीवनासाठी आवश्यक असणाऱ्या वस्तू गावकऱ्यांना पुरविण्यासाठी गावातच किराणा व जनरल दुकान सुरु करून देखील व्यवसाय करता येतो. ग्रामीण भागामध्ये दैनंदिन जीवन जगण्यासाठी लागणाऱ्या वस्तू दुकानात ठेवून त्यांची विक्री करता येते.
किराणा किंवा जनरल दुकान सुरु करण्यासाठी आवश्यक तो शासकीय परवाना काढून घ्यावा आणि त्यानंतरच रीतसरपणे दुकान सुरु करावे.
किराणा दुकान व समान खरेदी करण्यासाठी सुरुवातीला काही गुंतवणूक करावी लागते त्यानंतर वस्तू विक्रीतून हळूहळू नफा मिळू शकतो.
टेलरकाम किंवा शिवणकाम व्यवसाय सुरु करणे
शिलाई मशीन खरेदी करून ग्रामीण भागातील नागरिकांच्या ड्रेसशिलाई करण्याचे काम करून शिवणकाम व्यवसाय सुरु करता येतो.
टेलरिंग व्यवसाय सरू करण्यासाठी शिलाई मशीन आवश्यक असते. शिलाई मशीनसाठी शासकीय अनुदान देखील मिळते. शिलाई मशीन अनुदान मिळविण्यासाठी जिल्ह्याच्या सोयीनुसार ऑनलाईन किंवा ऑफलाईन अर्ज करावे लागतात.
टेलरिंग व्यवसाय करण्यासाठी शिवणकाम करण्याचे प्रशिक्षण घेणे गरजेचे असते. एकदा का ड्रेस शिलाई करण्याची कला अवगत केली कि मग गावातील आणि गाव परिसरातील अनेक नागरिकांचे ड्रेस शिवून देखील तुम्ही चांगल्या प्रकारे कमी करू शकता.
पशुखाद्य दुकान
ग्रामीण भागामध्ये शेती व्यवसाय करणाऱ्याची संख्या खूप मोठी असते शिवाय शेळीपालन व्यवसाय दुग्ध व्यवसाय इत्यादी व्यवसाय देखील असतात. अशावेळी अशा दुधाळ जनावरांसाठी पशुखाद्य दुकान सुरु केले तर हा व्यवसाय देखील चांगल्या प्रकारे नफा मिळवून देवू शकतो.
गावामध्ये किती व्यवसाय आहेत याचा थोडासा अभ्यास करून हा व्यवसाय करता येतो. शिवाय गाव परिसरातील इतर गावातील दुग्धव्यवसाय करणाऱ्या नागरिकांच्या दुधाळ जनावरांना देखील पशुखाद्य पुरवठा करून विक्रीतून नफा मिळविता येतो.
अशा प्रकारे ग्रामीण भामामध्ये छोटे मोठे व्यवसाय करून बेरोजगारीवर मात करता येते. या ग्रामीण भागातील 10 व्यवसाय भन्नाट आयडिया तुम्हाला कशा वाटल्या कमेंट्स करून नक्की सांगा.
