राष्ट्रीय महामार्गावर QR कोड माहितीफलक : प्रवाशांसाठी नवी सुविधा

राष्ट्रीय महामार्गावर QR कोड माहिती फलक लावण्यात येणार आहे यामुळे प्रवाशांना अधिक सुविधा मिळणार आहे.

भारतीय राष्ट्रीय महामार्ग प्राधिकरण (NHAI) सतत रस्ते सुरक्षेचा दर्जा उंचावण्यासाठी आणि प्रवाशांना सुलभ सेवा देण्यासाठी विविध उपक्रम राबवत असते. उपक्रमाचाच एक भाग म्हणून लवकरच राष्ट्रीय महामार्गांवर QR कोड असलेले माहितीफलक बसवले जाणार आहेत. ही योजना राबवल्यानंतर प्रवाशांना आवश्यक माहिती त्वरित मोबाईलवर उपलब्ध होईल.

पुढील माहिती पण वाचा पीएम विश्वकर्मा ओळखपत्र डाउनलोड

QR कोड फलक का उपयुक्त ठरणार?

महामार्गावर प्रवास करत असतांना अनेकवेळी वाहनधारकांना अपघात, अडचणी किंवा अन्य तातडीच्या कारणांसाठी मदतीची गरज भासते. सध्याच्या स्थितीत योग्य संपर्क क्रमांक किंवा स्थानिक माहिती शोधणे प्रवाशांना कठीण जाते. या अडचणीवर उपाय म्हणून NHAI ही डिजिटल माहिती प्रणाली  विकसित केली जात आहे.

QR कोड स्कॅन करताच प्रवाशाला खालील महत्त्वाची माहिती मिळणार आहे:

• संबंधित महामार्ग क्रमांक व किलोमीटर चिन्ह
• टोल प्लाझा व्यवस्थापक व रेसिडेंट इंजिनिअर यांचे संपर्क क्रमांक
• देखभाल करणाऱ्या तांत्रिक टीमचे मोबाईल नंबर
• आपत्कालीन मदतीसाठी “1033” हेल्पलाइन क्रमांक
• महामार्गावर उपलब्ध सुविधा जसे की विश्रांतीगृह, ट्रक पार्किंग, टोल प्लाझा सेवा

राष्ट्रीय महामार्गावर QR कोड फलक वरील माहिती एका क्लिकमध्ये मिळाल्यामुळे प्रवाशांचा वेळ वाचेल आणि संकटाच्या वेळी तात्काळ उपाय सापडेल.

फलक कुठे बसवले जाणार आहेत?

NHAI च्या माहितीनुसार हे QR कोड माहितीफलक राष्ट्रीय महामार्गावरील महत्त्वाच्या ठिकाणी बसवले जातील. त्यामध्ये:

• टोल प्लाझा
• विश्रांतीगृहे व फूड कोर्ट
• ट्रक पार्किंग क्षेत्र
• महामार्गाची सुरुवात व शेवट
• सुविधा केंद्रे आणि इंधन पंपाजवळील ठिकाणे

यामुळे प्रवासी कोणत्याही ठिकाणी थांबून सहजपणे माहिती मिळवू शकतील.

रस्ते सुरक्षेसाठी मोठी मदत

भारतीय महामार्गांवर दरवर्षी अनेक अपघात घडतात. यामध्ये तातडीने मदत न मिळाल्याने हानी अधिक वाढते. QR कोड फलकामुळे अपघातग्रस्त व्यक्ती अथवा साक्षीदार त्वरित योग्य क्रमांकावर संपर्क साधू शकतील.

अशा प्रकारे गोल्डन अवर मध्ये योग्य उपचार मिळण्याची शक्यता वाढेल. याशिवाय, प्रवासी अडचणीत अडकले असता योग्य पथकाला त्वरित कळवता येईल.

परिणामी रस्ते सुरक्षा व्यवस्थेत सुधारणा होऊन प्रवाशांचा विश्वास दृढ होईल.

जनजागृती आणि आधुनिक तंत्रज्ञानाचा वापर

या उपक्रमाचा आणखी एक महत्त्वाचा पैलू म्हणजे जनजागृती. अनेक प्रवासी राष्ट्रीय महामार्गांबद्दलची माहिती नसल्याने गोंधळात पडतात.

QR कोड स्कॅन करून त्यांना मार्गदर्शन मिळेल, ज्यामुळे प्रवास अधिक नियोजनबद्ध होईल. डिजिटल तंत्रज्ञानाचा वापर करून माहिती नागरिकांपर्यंत पोहोचवणे ही काळाची गरज आहे. मोबाईलचा वापर वाढल्यामुळे QR कोड प्रणाली ही सर्वात जलद आणि सोपी पद्धत ठरते.

NHAI चा उद्देश

NHAI ने या प्रकल्पाबाबत सांगितले की, या फलकांमुळे प्रवाशांचा अनुभव सुधारेल, रस्ते सुरक्षा मजबूत होईल आणि महामार्ग व्यवस्थापन अधिक पारदर्शक होईल. प्रवाशांना मिळणाऱ्या सुविधा, सेवा आणि तातडीच्या मदतीची माहिती एका ठिकाणी उपलब्ध होणे हेच या उपक्रमामागचे ध्येय आहे.

लेखाचा सारांश

राष्ट्रीय महामार्गावर QR कोड फलक हे एक क्रांतिकारी पाऊल मानले जाऊ शकते. प्रवाशांना अपघात किंवा अडचणीच्या प्रसंगी त्वरित मदत मिळवण्यासाठी ही योजना अत्यंत उपयुक्त ठरणार आहे. तसेच यामुळे प्रवासाचा दर्जाही उंचावेल.

भारतीय राष्ट्रीय महामार्ग प्राधिकरणाचा हा उपक्रम आधुनिक तंत्रज्ञानाचा वापर करून प्रवाशांच्या सुरक्षिततेसाठी केलेले महत्त्वपूर्ण योगदान आहे. लवकरच हे फलक बसल्यानंतर नागरिकांना त्याचा थेट फायदा अनुभवता येईल.